پندرہ سالہ لڑکی بچے کو جنم دینے کے بعد زندگی کی بازی ہار گئی

انقرہ: ترکی کے ضلع متکی میں 15 سالہ لڑکی بچے کو جنم دینے کے بعد دماغ کی شریان پھٹنے سے زندگی کی بازی ہار گئی۔ ایمریٹس 24/7 کے مطابق ڈیریا بی نامی 15 سالہ لڑکی کی کچھ عرصہ پہلے شادی ہوئی جس کے بعد وہ حاملہ ہوگئی لیکن کم عمر ماں اس وقت زندگی سے ہاتھ دھو بیٹھی جب اس نے اپنے پہلے بچے کو جنم دیا۔ بچہ پیدا ہونے کے بعد ڈیریا بی کو سر میں شدید در ہوا جس کے بعد اسے



فوری طور پر ہسپتال لے جایا گیا جہاں اسے انتہائی نگہداشت کے وارڈ میں رکھا گیا ۔
 تاہم وہ جانبر نہ ہوسکی اور دماغ کی شریان پھٹنے سے جان کی بازی ہار گئی۔ افسوسناک واقعہ پیش آنے کے بعد پولیس حرکت میں آگئی اور واقعے کی تحقیقات شروع کردیں۔ واضح رہے کہ ڈیریا بی کی ایک مذہبی تقریب کے دوران 14 سال کی عمر میں شادی ہوئی تھی تاہم اس کے دولہا کی عمر معلوم نہیں ہوسکی ہے۔